ये रे घना, ये रे घना
न्हाऊ घाल माझ्या राना
रानामधी पिकं माझी गेली बघ करपून
चाऱ्यासाठी गुरं ढोरं फिरती रे राना-वना
घरामधी पोरं सोरं उपाशी रे दाण्या विना ||१||
विटलो रे आम्ही सारे तुझी आस लावून
साल आता कटल कसं डोईवर कर्जाविना
थोरली पोर आता राहील रे लग्नाविना ||२||
कुठं रे तू बसला, दडी अशी मारून
मनामधी काळ्या सावल्या दिसतात फिरताना
म्हातारी गेली मरून, खावून रे कंद पाना ||३||
ये रे घना, ये रे घना
न्हावू घाल माझ्या मना
कोणत्याही टिप्पण्या नाहीत:
टिप्पणी पोस्ट करा